ندم شديد

ندم شديد
السلام عليكم انا تعبانة ونفسي اتكلم مع حد وينصحني انا متزوجة الحمد الله والحياه ماشية من حوالي ٥ سنين نقلت في مكان سكن جديد ومكنتش اعرف فية حد المهم كان فية كافية لسة فاتح جديد تحت البيت المهم صاحب الكافية جوزي يعرفة عمل كل المحاولات علشان يكلمني ووصلي الاكونت الفيس عن طريق الفيس بتاع جوزي انا كلمتو بعد حوالي سنة من كل المحاولات دي كانت دي غلطتي لحد .ما اتعلقت بية بس وبقينا تقريبا كل يوم نتكلم كلام عادي ووراني صورة لمراتو وولادة مراتة
حلوة اوي وقلت لية مراتك جميلة وبيضة وعنيها ملونة بتبص لغيرها لية يقولي متعرفيش حاجة اسمها ارتياح نفسي وانا ارتحت ليكي وكنت بجيب حجات يطلبها مني لمراتو اقول يمكن ميعرفش يجيب والامور عادي كلة ومن غير حد ما يعرف وقعدنا ٣سنين علي كدا ولقيت طريق الكلام راح لنحية تانية خاااالص انا مكنش في نيتي حاجة خالص من نحيتة مجرد معرفة عابرة بس لقيت اهتماما جامد زيادة دا خلاني الټفت لية بس انا مع
جوزي اقسم بالله متغيرت ولا حبي قل لية وكنت ازعل من نفسي اني بكلم الشخص دا انا بقالي فترة بكلمة بس بقي الكلام بنا بقي مفتوح اوي اوي اي تفاصيل لية وبين مراتو يحكهالي وادق التفاصيل لغايه ما قلهالي وش كدا انا بحبك ومرتحلك وعارف انو غلط بس انا ڠصب عني انا حاليا ببعد بعد ما سمعت حجات كتير عن النت ان دا غلط وحرام واقول انا كنت معمية انا اية خلاني افتح الباب اصلا وندمانة ندم شديد وضمير بيوجعني انا عملتلو حظر ومسحت اي حاجة يعرف يوصل ليا بيها بتمني من ربنا كل دقيقة يسامحني ومش عارفة انا عاوزة اعيط مش عارفة حاسة ان في جبل ذنوب علي قلبي ندمانه ومش لاقية حد اتكلم معاه اشيل الهم دا من علي قلبي انا بصلي واستغفر كتير هل ربنا حيستجيب مني عاوزة حد يقولي انا تعبانة نفسيا جدا من الخطأ دا الي عملتو واسفة علي الاطاله