انا في بــلاء شديد

انا في بلاء شديد
انا في بلاء شديد
انا عمري ٤٤ وزوجتي ٣٩ وعندي ولدين ١٧ و١٢ سنة .. سافرت اخر ٧
سنين للعمل لوحدي وكنت بنزل شهر الاجازة فقط كل سنة
واستحملنا شوية عشان نعمل حاجة ونخلص اقساط علينا .. وحاليا نزلت نهائي من ٨ شهور ..
من ٣ سنين مراتي حصلها نفور شديد مني
حاولت أعالج الموضوع معرفتش
والموضوع تدرج من عد..م الرغ..بة ووصل للمنع في أحيان كثيرة
وناقشتها في الأسباب كانت بتقول انها مش شايفاني بشارك في تحمل الأعباء ولا في التخطيط للمستقبل بالصورة المطلوبة
وانها شالت فوق طاقتها سنين كتير وتحملت مش..اكل كتير بدون مساعدة مني في حلها
حاولت كتير اهديها وقولت معلش ضغوط وتعدي
لكن كان جوايا شك كبير ان في حد تاني في حياتها
وللاسف طلع شكي في محله وتأكدت من الموضوع ده من شهر ونص
للاسف ع..لاقة ع..اطفية من ٣ سنين تقريبا مع زميل مهنة قديم وتطورت للاسف الشديد التج..اوزات ثم عدة مرات علي فترات وأخرها قبل ما اكتشف علطول بالرغم من وجودي وعدم سفري بكل اسف ..
واج..هتها واعترفت وجهزت الط..لاق لكن بصراحة تأثرت جدا في اليوم التالي بأولادي وببكاها وأجلت الط..لاق
هي بتحلف ان ولا مرة كانت الع..لاقة كاملة لكن الله أعلم وأعلنت ند..مها والتوبة ..
وانا اتجهت لمحاولة المغفرة عشان ابني ثانوية وخاېف عليه ولتعلقي الش..ديد بيها ..
تقريبا لمدة أسبوع كنا كويسين لكن بعد كده حسيت اني مش قادر اتعافي والشك عندي كبير جدا
لان ع..لاقتهم والكلام اللي شوفته بينهم بيقول انها علاقة قوية جدا
وهي كمان مضطربة ومش شايفها بتحاول تقرب مني ولا وتعوضني عن اللي حصل
وحاليا مش عارف افكر اعمل ايه اكمل ولا استحالة نرجع طبيعيين مع بعض 
وازاي اتأكد انها عايزاني لشخصي مش إنقاذ لنفسها أو عشان الولاد بس