جوزي و اخواته البنات

جوزي و اخواته البنات
انا متجوزه من 15 سنه جوزي عنده ست اخوات بنات وهو الولد الوحيد لما اتجوزت قال لي ماما هتعيش معانا وانا وافقت على اساس انه قال لي ان هو ابنها الراجل وما يرضاش ان هي تعيش عند راجل غريب وفي الفتره دي بعد ثلاث سنين جواز جوزي سافر يشتغل في السعوديه وبقى له 12 سنه بيشتغل في السعوديه بيجي طبعا شهر واحد في السنه وامه كل ده عايشه معايا انا واولادي في الفتره دي اتنين من اخواته جوازهم اتوفوا قلت بقى المفروض واحده منهم تاخد امها عندها هم كانت حجتهم ان امهم ما تقعدش عند راجل غريب ودلوقتي ما بقاش في راجل غريب ولو كان على الفلوس جوزي هو اللي هيتكفل بمصاريفها لكن اتفاجئت بيهم
ان الاتنين مردوش بحجه ان كل واحده مشغوله مع ولادها طب ما انا عندي ولاد ومستحمله 15 سنه الشهر اللي فات طلبت من جوزي اني اروح اعمل عمره وكنت كل سنه بقول له كان بيرفض عشان بحجه ان انه مش هينفع عشان ما يسيبش امه لوحدها مع العلم هي طلعها عمره مرتين المهم المره دي اصريت وطلبت من واحده من اخواته انها تاخد امها عندها لحد ما ارجع من العمره وافقت وهي متغصبه كان عندي امل لما ارجع تقول لي خليها معايا لكن اتفاجئت
إن لما رجعت تاني يوم على طول بتكلمني تقول لي هتيجي تاخدي ماما ولا اجيبها لك انا الصراحه انا اټجننت وكلمت جوزي وقعدت ازعق له وقولت له هي مش امهم وهم اولى بيها وانت ابنها سايبها لي 12 سنه وانا تعبت بقى عايزه اخد راحتي في بيتي وهي عندها بدل البنت 6 وفي اثنين منهم جوازهم مش موجودين فضل يقول امي وانا اولى بيها ويزعق دلوقتي عايزاكوا تقولوا لي انا صح ولا غلط هل انا اللي ملزومه بيها مع العلم هي متعبه جدا وبتدخل في كل حاجه وانا اعصابي تعبت دلوقتي المفروض ان بنتها بتكلمني عشان اروح اخدها مش عارفه اعمل ايه اروح عشان ما يحصلش مشاكل ولا اصر ان هي تقعد عندها