العروسه الجديدة

العروسه الجديدة

انا بمر بظروف نفسية صعبة جدا من اكتر من شهرين
انا انفصلت عن زوجي من سنة وكام شهر اتجوژنا عن حب وبقالنا 25 سنة متجوزين بس للأسف حصلت قبل الطلاق بسنتين مشاكل بيني وبينه لدرجة انها وصلت اننا كنا في بيت واحد و منفصلين وبعدها عرفت انه اتجوز من واحدة مطلقه ومعاها 3 أطفال واتجوزها وبعد سنة طلقها لعدم ارتياحه معاها ورجعها تاني لانها اصرت علي كدا وفضلت تزن عليه لحد ما رجعها وخلف منها بعد كدا ولد وهو عنده سنتين دلوقتي
ومن شهرين كلمني وكلم اهلي اننا نرجع انا وهو وقاللي انه لسه بيحبني ومش مرتاح من غيري واني حب عمره ومعرفش ينساني حتي بعد جوازه وانا ضعدفت ورجعت .. بس للأسف مش عارفه ولا قادرة اتأقلم ان في واحدة تانيه وطفل ف حياته علي طول عصبية ونرفزة مني وبشد معاه كتير بسبب اني بتكلم عنها كتير واللي خلاني ف الظروف النفسية دي انها صغيرة ف السن الفرق بينه وبينها 20 سنة وده وجعني جدا

بالله عليك اعمل ايه انا مش عارفه اعيش ولا اتأقلم مع الوضع وهو علي طول بيحلف انه بيحبني بس المشاكل كترت جدا لدرجة انه مش عايز يجي البيت واعصابه تعبت بس انا تعبانه والله جدا اعمل ايه
وفي سؤال ارجو الرد عليه .. ممكن راجل يحب اتنين ف نفس الوقت وبنفس الدرجة لانه بيأكد لي انه بيحبني وانتي عندي كل حاجة طيب وزجته التانية .. واسفة علي الإطالة