اخت جوزي معزمتنيش
اخت جوزي معزمتنيش
أخت جوزي كانت عروسة من اربع شهور ولسه ربنا مرزقهاش بحمل وبالصدفة من شهر عرفت اني حامل ومن ساعة ما هي عرفت وهي مش بتكلمني ولا حتى بعتتلي تقولي كل سنة وانتي طيبة وانا بعتلها وهي ردت على القد
المهم هي عزمت جوزي و اخواته علي الفطار و معزمتنيش و لا كلمتني و لا حتي قالت له هات مراتك معاك مع ان سلفتي قالتلي انها اتصلت بيها و قالت لها لازم تيجي مع العلم اني مفيش بيني و بينها اي مشاكل علاقتنا عادية يعني انا زعلت بس مرضيتش اتكلم عشان محدش يزعل بس انا عمري ما قصرت معاهم وانتظرت ان جوزي من نفسه يقولي تعالي او يقولي مش رايح من غيرك بس لما لقاني بقول مش رايحة مسألش حتى ليه قالي اصلا المشوار طويل عشان متتعبيش وانتي في اول حملك وراح هو وابني
بس اللي غاظني بقي اني اتفاجأت بجوزي .بيقولي انه عايز يعزم اخواته قولته ماشي بس اختك الليود معزمتنيش مش هعزمها قالي هي عزمتني و ده بيتي من حقي اعزم اللي انا عايزه قولتله هي مقدرتنيش و لا عزمتني و مع ذلك انت متكلمتش و دلوقتي عايزني اعزمها و تقولي ميصحش اعزم اخواتي و هي لا و انا فين كرامتي قالي لو علي التعب انا ممكن اجيب اكل جاهز قولتله لا انا مش عايزة اعزم حد يا يجوا من غيرها يا بلاش اټخانق معايا و بقالنا يومين متخاصمين و ماما بتقولي اعزميها و خلاص عشان خاطر جوزك و انا مش عايزة اجي علي كرامتي
اعمل ايه اعزمها و لا اسيبه زعلان لما يروق لوحده و خلاصة
