عزومة حماتى

عزومات رمضان

حماتي حماتي كانت المفروض عزمانه على الفطار اول يوم رمضان وبعدين قبل الفطار بساعه اتصلت بجوزي وقالت له البيت زحمه تعالى انت لوحدك وخلي مراتك وعيالك وتعالوا بكره لوحدكم طبعا انا زعلت وما كنتش عامله حسابي في اكل واضطريت اضطريت اكل اي حاجه انا والعيال وقلت له المفروض انت ما كنتش تروح وتزعل عشان تحافظ على كرامه مراتك واولادك يعني هم كلهم يروحوا وجت عليا انا وعيالي اللي هنزحم الدنيا قال لي معلش عشان ماما ما تزعلش وده اول يوم رمضان ولازم اتجمع مع اخواتي جات تاني يوم الصبح ماما قالت لي تعالوا افطروا معانا قال لي هو احنا مش متفقين ان احنا رايحين عند ماما النهارده قلت له مامتك اللي امبارح قالت لك ما تجيبش مراتك انا هروح عند ماما عشان ما تزعلش زعل وقعد يزعق وقال لي ماما مستنيانا وعامله حسابها وعشان ما ازعلهوش اعتذرت لماما وقلت له ماشي خلاص هاجي معاك ورحت معاه واتفاجئت بقى ساعه الفطار لما حطيت لنا الاكل ان الاكل بواقي عزومه امبارح قالت لي معلش ما فاضلش غير وركين قسميهم انت وجوزك وعيالك وطبق محشي صغير وشويه حاجات كده قليله طبعا انا صعبت عليا نفسي وقلت لها لا مش عايزه ما ليش نفس وما رضيتش اكل اكلت يا دوب بس الخشاف وبعد الاكل قلت له يلا نروح عشان انا تعبانه اما روحنا اتصلت بيه وقالت له يا مرتك مالها وما رضيتش تاكل ليه ولو يا جوزها ليه واتفاجئت ان هو بيزعق معايا ويقول لي كده احرجتي ماما وثاني يوم ما رضاش يروح معايا عند ماما وبيقول لي انت اللي غلطانه هل انا كده فعلا غلطانه